Sergey Yuranın istefasından sonra “Simurq”un yeni baş məşqçisi müəyyənləşib. Belə ki, bölgə təmsilçisi 5-6 namizəd arasında seçim edərək, sonda Azərbaycan futboluna bələd olan Georgi Çixradzeyə üstünlük verib. Gürcü mütəxəssis indiyə kimi “İnter”də həmyerlisi Kaxaber Tsxadadzenin köməkçisi funksiyasını yerinə yetirib.

Artıq “İnter” düşərgəsini tərk edərək, Zaqatalaya yola düşən Çixradze bu gün kollektivlə tanış olacaq. Amma komandanı sabah “Kəpəz”lə matça Çixradze deyil, İqor Getman çıxaracaq.