“İnter”in futbolçusu Enyo Krastovçevin müsahibəsi
 
- “Xəzər Lənkəran”la keçirilən oyun barədə nə deyə bilərsiniz?
- Oyun çox çətin alındı. Əminəm ki, bu qarşılaşma heç kimi biganə qoymadı. Belə oyunlar az olur və həmişə mövsümün bəzəyinə çevrilir. Çox xoşdur ki, bizə qalib gəlmək müyəssər oldu. Lakin çütün taleyi cavab matçında həll olunacaq.

- Zədə səbəbindən uzun müddət meydandan kənar qalmışdınız. Yəqin meydana qayıdışınızı qolla qeyd etmək xoşdur?
- Bəli, zədə müəyyən müddət meydana çıxmağa imkan vermədi, ancaq indi hər şey qaydasındadır. Xoşdur ki, komanda belə vacib qələbə qazandı və xüsusilə komandanın uğurunda mənim də töhfəm oldu.

- “İnter”in kubokda uğur qazanmaq şansını necə qiymətləndirirsiniz?
- Bilirsiniz, bu barədə danışmaq hələlik tezdir. Bu mərhələdə bizə növbəti mərhələyə keçmək lazımdır, bundan sonra final və turnirdə qələbə haqqında düşünmək olar. Deyim ki, yarışın bütün komandaları yalnız qələbəyə kökləniblər, hamı özünü göstərmək istəyir.

- Bu bazar komandanı “Neftçi” ilə qarşılaşma gözləyir. Qarşıdakı oyun barədə nə düşünürsünüz?
- Bizi çox çətin oyun gözləyir. İnşallah, qələbə qazanarıq və turnir cədvəlində birinci yerə çıxarıq.