Cari ildə bir sıra burulğanlardan çıxan "Kəpəz" üçün "Simurq"a qarşı keçirilən son oyun formal xarakter daşıyacaq. Çünki gəncəlilər elitada qalmaq vəzifəsinin öhdəsindən gəliblər. Bu mənada Azərbaycanın ən titullu klublarından biri "Kəpəz" növbəti mövsümün planlarını cızmağa başlayıb.

Əvvəlcə baş məşqçi Fuad İsmayılovla yanaşı, onun rəhbərlik etdiyi korpus barədə qərar çıxarılıb. Ümumi rəyə əsasən, Fuad İsmayılovla yola davam etmək qərarı alınıb. Komandanın prezidenti Elmir Əliyev məsələ ilə bağlı danışıb: "Biz Fuad İsmayılov və onun korpusu ilə yola davam qərarı almışıq. Onlar qarşıdakı bir ildə də burada qalacaqlar".

Qeyd edək ki, İsmayılov Mehman Allahverdiyevin istefasından sonra bu vəzifəyə gətirilib.