Millimizin üzvünü Trabzonspor istədi, Eskişehirspor aldı
Rəvanın yeni baş məşqçici – Cevat Güler
Rihanna və Şakira DÇ-2012-də 
Qəbələdən böyük risk (Yazı)Klub xəbərləri
- 25.01.2012 / 0 şərh / 1954 -dəfə baxılıb
“Xəzər Lənkəran”ın baş məşqçisi Cüneyt Biçər Almaniyanın “Volfsburq II” klubu ilə Antalyada keçirilən yoxlama oyunundan (2:1) sonra jurnalistlərin suallarını cavablandırıb.
- Öncə oyunla bağlı fikirlərinizi öyrənmək istərdik.
- Fərqli iki komanda oynadı. Bu gün matçın ilk hissəsində ilk yoxlama oyunumuzda meydana çıxmayan futbolçuların bəzilərinə şans verdim. Komandamızda yorğunluq var ki, bu da təbiidir. Ən çox məni məmnun edən futbolçularımızın qələbə qazanmaq istəyidir. Bu gün bir qədər sərt oyun oldu. Mən hakimlər haqda danışmaq istəməzdim. Amma burdakı hazırlıq oyunlarında onlar özlərini göstərmək istəyirlər. Matçın gedişində 10 nəfərlə qaldıq. Sonra qol buraxdıq. Lakin daha bir qol vurub qələbə qazandıq. Bəlkə də bu gün azlıqda qalmağımız yaxşı oldu. Çünki artıq rəsmi oyunlarda futbolçular daha diqqətlə hərəkət etməlidilər.
- Konkret olaraq, hansı futbolçunuzun oyununu bəyəndiniz?
- Fərdi olaraq kimisə fərqləndirmək istəmirəm. Bizim üçün önəmli olan qələbəydi. Futbolçuların hamısı səylə çalışırdı.
- Yarımmüdafiədə problem vardı. Bunun səbəbi nədir?
- Dediyim kimi, komandada yorğunluq var. Hazırlıq prosesində bu kimi halların olması təbiidir. Yoxlama oyunları həm də ona görə keçirilir ki, belə çatımazlıqları görəsən və sonradan aradan qaldırasan. Bir daha vurğulamaq istəyirəm ki, məni oyunun nəticəsindən daha çox, futbolçularımızın qələbə qazanmaq istəyi razı saldı.
- Malidən transfer etdiyiniz üç futbolçu bu gün komandanızın düşərgəsində olmalıydı. Amma nədənsə, onlara rast gəlmədik.
- Bu futbolçular indilərdə Antalyaya gəliblər və bu gün komandamıza qoşulacaqlar.
- Klubunuzun rəisi Səməd Mustafayev bildirib ki, sizin bəyəndiyiniz üç futbolçu - müdafiəçi, yarımmüdafiəçi və hücumçu olsa, onlarla birbaşa müqavilə imzalanacaq. Artıq müəyyənləşdirdiyiniz futbolçular varmı?
- Bəli. Amma adlarını açıqlamaq istəməzdim. Bilirsiniz, dövrələrarası fasilədə oyunçu almaq asan deyil. Kimisinin klubuyla müqaviləsi olur. Müəyyənləşdirdiyim oyunçuları alacağıq.
- Onlar hansı ölkədəndilər?
- Ölkə adı çəkmək istəməzdim. Amma onlar Afrikadan deyillər, Avropada oynayan futbolçulardır.
"Xəzər Lənkəran" hansı avropalı futbolçuları transfer edəcək? (Müsahibə)
R.Abdullayev “Qəbələ FK” qəzetinə müsahibəsində kluba keçidi, yeni komandasında hədəfi və bir çox başqa məqamlardan danışdı. 
Milli komandamızın və “Bakı”nın sabiq futbolçusu Fabio Luis Ramim müsahibə verib.