“Qarabağ”la oyunqabağı “Bakı”nın kapitanı Cəmşid Məhərrəmov görüş barədə danışıb. Kapitan klubun rəsmi saytına açıqlamasında bunları dilə gətirib: “Komandada hər bir şey qaydasındadı. Yeni gələn futbolçular da yaxşı durumdadı. Onların bura gələnə kimi yaxşı karyeraları olub. Bunu burada da davam etdirmək istəyirlər. İnanıram ki, son 4 oyunda maksimum nəticə göstərib, altılığa iddialı girəcəyik. Yaxşı oyun nümayiş etdirib çempion olmalıyıq. Çünki biz buna borcluyuq. Bizə yaradılan bu cür şərait və qayğının nəticəsini verməliyik. Burada heç kim deyə bilməz ki, nəysə çatmır. Bunun qarşılığnı çempion olmaq və ya kuboku qazanmaqla verməliyik. Hal hazırda ab-hava da yaxşıdır. Burada hamı bir ailə kimidi. Bu da yaxşı əlamətdir. Çünki oyuna yaxşı təsiri olur. Bunun nəticəsini də “Qarabağ”la oyunda görəcəksiz”.