Azərbaycan milli komandasının sabiq futbolçusu Vaqif Cavadov "Volqa"dan incik ayrılmayıb. 23 yaşlı futbolçu Rusiya Premyer Liqa klubunu ailə vəziyyətinə görə, tərk etdiyini deyib.

Amma Vaqif Cavadov sabiq klubu ilə tam hesablaşmayıb. Oyunçu əlavə edib ki, sabiq komandasının ona müəyyən qədər borcu qalıb: "Bəli, "Volqa" klubu ilə tam hesablaşmamışam. Çünki onlarda 1-2 aylıq maaşım qalıb. Amma bu məsələ yaxın zamanda həllini tapmalıdır. Heç bir problem yoxdur".

Cavadov qısa müddətə oynadığı klubda heç kimlə problem yaşamadığını söyləyib: "Oradan ailə vəziyyətimə görə ayrılmışam".

Qeyd edək ki, Vaqif Cavadov Rusiyadan qayıtdıqdan sonra Ağdamın "Qarabağ" klubu ilə müqavilə bağlayıb.