“Bizim üçün komandaların fərqi yoxdu. Əvvəlcə “Xəzər Lənkəran”, sonra “Qarabağ” haqında fikirləşirik. İnanıram ki, meydanda olan hər bir futbolçu bütün bacarığını ortaya qoyacaq və qələbə qazanacağıq”. Bu sözləri “Bakı”nın futbolçusu Juninyo deyib.

Braziliyalı futbolçu indi yalnız “Xəzər Lənkəran” haqqında fikirləşdiklərini bildirib: “İndi birinci növbədə “Xəzər Lənkəran” haqqında fikirləşirik. Bu oyundan sonra “Qarabağ” haqqında fikirləşəcəyik. “Qarabağ”la matçın bizim üçün nə qədər vacib olduğunu hamı bilir. Bu oyunda özümüz, azarkeşlərimiz və rəhbərliyimiz üçün oynayacağıq”.