"Qarabağ"a 4 dəfə məğlub olmuşduq. Ancaq bu oyunda vacib qələbə qazandıq. Belə oyunu növbəti görüşlərdə də davam etdirməliyik".

Bu sözləri "Bakı"nın yarımmüdafiəçisi Aleksandr Şoliç deyib. "Qarabağ" üzərində 4:2 hesablı qələbədən sonra klubun rəsmi saytına danışan xorvatiyalı yarımmüdafiəçi oyunla bağlı fikirlərini açıqlayıb:

"Əgər bu oyundakı çıxışımızı kubok matçında da göstərə bilsək, o zaman problem olmayacaq. Biz təzyiq etdikcə, rəqib üçün də oynamaq çətinləşir. Bunu sübut etdik. Lakin rəqibə oynamaq imkanı verdikdə bizim üçün çox çətin olur".