“Azərbaycan futbolunun tərəqqisi naminə vaxtilə futbolçu kimi əlimizdən gələni etmişik. İndi isə məşqçi kimi bu işimizi davam etdiririk. Elçin Məmmədovun “futbol fəlsəfəsindən” xəbərim yoxdu. Yalnız onu söyləyə bilərəm ki, “Neftçi”də futbolu bilməyənlər işləyir demək Azərbaycan futboluna təhqirdi”. Bu sözləri “Neftçi”nin məşqçisi Bəxtiyar Musayev deyib.

Musayev Elçin Məmmədovun açıqlamalarına cavab verib: “Qoy o barmağını qatlasın görək futbolumuz üçün nələr edib. Hakimlik səviyyəsi də göz qabağındadı. Qərəzli qərarları onun futbol “bilgi”sindən və vicdanından xəbər verir. Həyatdan danışmağa gəldikdə isə hamı bizim də, onun da necə həyat yaşadığından xəbərdardı”.

Elçin Məmmədov “Neftçi”nin futboblçularının və rəsmilərinin futboldan anlayışının olmadığını, onlarla futboldan yox, yalnız həyatdan danışa biləcəyini bildirib.