“Rauf Əliyevi yayda transfer edəcəyik”. Bu sözləri Almaniyanın “Qröyter Fürt” klubunun meneceri Rəşid Azzouzi deyib.

II Bundesliqada çıxış edən və ikinci pilləni tutan klubun nümayəndəsi futbolçumuzun transferini çox istədiklərini bildirib: “Biz Rauf Əliyevlə çoxdan maraqlanırıq. Bir an olsun gözümüzü ondan çəkməmişik. Rauf “Qröyter Fürt”ün tələblərinə cavab verən futbolçudu”.

Mərakeşli menecer transferin qışda baş tutmamasının səbəbini açıqlayıb: “Bizə Asamoanı təklif etdilər. Əslində “Qröyter Fürt” gənclərə üstünlük verən, dünyanın dörd yanından onları tapıb üzə çıxaran və yetişdirən klubdu. Amma Asamoa kimi bahalı oyunçunu Bundensliqya çıxmaq hədəfinin əlçatan olması ilə bağlı aldıq. Yəni iki varitantdan Raufun əleyhinə olana üstünlük verdik. Amma yayda onu transfer edəcəyik. Komandamız Bundesliqaya çıxsa da, planımız dəyişiməyəcək”.