Proyekt barədə | Reklam | Əlagə
Qeydiyyat
İstifadəçilər üçün giriş
Русская версия WAP RSS
Bağla



- Fanklubda qeydiyyat                       - Забыли пароль?
Rəylər
18.02.2012 / 0 şərh / 1918 -dəfə baxılıb

Bəsdi də… İblis hakimlər… Yox bir, şeytan hakimlər…(Müsahibə)

Hakimlər Komitəsinin "vuran əli", «danışan dili», kəsə desəm, «döyünən ürəyi» Elçin Məmmədov  müsahibəsində bizi inandırmağa çalışır ki, Antalyada keçirilən 2 həftəlik təlim-məşq toplanışı bu sahədəki ciddi nöqsanları aradan yox edəcək.


- Məncə, bu toplanışdan sonra hakimlərin səhvləri minimuma enəcək. Bu, çox xeyirli hazırlıq oldu.

- Hər mövsümün əvvəlində və ortasında onsuz da belə toplanışlar keçirilir. Əvəzində səhvlər durmadan artır. Budəfəki hazırlığın səmərəli olacağını hardan bilirsən?
- Özümə hər toplanışın xeyiri var. Meydançada bunu göstərməyə çalışıram. Son hazırlığın yaxşı keçdiyini hər bir baxımdan bunu qeyd edə bilərəm. Hakimlərin biliklərinin artırılması üçün kitablar tərcümə olunub və paylanıb. Onların nəzəri və praktiki təcrübəsini çoxaltmaq üçün xeyli iş görüldü Antalyada.

- Hakimlərimiz Türkiyədə kifayət sayda yoxlama görüşlərini idarə etdilər. Tanınmış klubların iştirakı ilə keçirilən bu görüşlərdə ciddi səhvlər olmadı. Amma…
- Bununla bağlı Hakimlər Komitəsinin sədri Xaqani Məmmədovla müzakirələr aparırıq. Yoxlama oyunlarında hakimlərimizin ciddi səhvlər olmadı. Əksər hakimlərimiz cavandılar, onların bu təcrübəyə ehtiyacları var.

- Xaqani Məmmədov açıqlamasında hakimlərə kənar təzyiqlərin olduğunu etiraf edib.
- Özümə görə danışa bilərəm. Mənə nə təzyiq olub, nə də ola bilər. Çıxıb hakimliyimi edirəm.

- Bəs komitə sədrinə «mənə təzyiqlər var» deyə, şikayətlənən kimlərdi? O, bu sözü havadan deyib?
- Xaqani Məmmədov elə deməyib. O, bu sözləri deyərkən, yanında olmuşam. Xaqani müəllim hakimlərə psixoloji təzyiqlər olduğunu bildirib. Bunu da normal qarşılamaq lazımdı. Əksər hakimlərimiz gənc olduğundan, onların psixologiyası tam formalaşmayıb. «Böyük beşlik» çempionatlarına baxın, orda əsasən yaşı 33-dən yuxarı hakimlər idarəçilik edirlər. Səbəb onların psxoloji cəhətdən hazırlıqlı olmalarıdı.

- Mən komitə sədrinin müsahibəsi ilə tanışam. Orda kənar təzyiqlərdən danışıb.
- Yox, o, psixoloji təzyiqləri nəzərdə tutub, başqa cür yazıblar. Nəsə maraqlı şey yazmaq üçün. Bu, toplanışda gedən söhbətlərdən idi. Antalyala hamı bizim cavanları tərifləyirdi. Bəs niyə Azərbaycan çempionatında səhvlər olur? Bu psixoloji amildən gələn səbəbdi.

- Çempionatdakı səhvlər sırf qərəzdi. Sən isə düşünürsən ki, bu, bilavastə psixoloji baryerlə bağlıdı?
- Heç bir hakim qərəzli idarəçilik etməz.

- Necə olur ki, «Neftçi»nin oyunlarında hakimlər yalnız onları lehinə səhvlər edirlər?
- Bu, çox səhv fikirdi. Mən özümdən danışa bilərəm. «Neftçi» idarə etdiyim oyunların yalnız birində qələbə qazanıb. O da «Bakı»yla. Bahodir Nasimovun yıxıldığı epizodu hamı penalti kimi qələmə verirdi, amma mən vəziyyəti düzgün görmüşdüm. Ona görə də penalti təyin etmədim. Sonradan bu da təsdiqləndi ki, mən düzəm. Həmin qarşılaşmada bu mövsüm ən ciddi səhvimə yol vermişdim. «Neftçi»nin əleyhinə. Çünki Novruz Məmmədovun Flavinyoya qarşı kobudluğuna görə «Bakı»nın qapısına penalti təyin etməliydim. Onların müdafiəçisi cərimə meydançasında Flavinyonun ayağına yandan zərbə endirsə də, gözümdən yayındı.

- Söhbət yalnız səndən getmir. Hakimlərin bir çoxu «Neftçi»yə xoş gəlmək üçün digər komandaları qurban verirlər. Statistik göstəricilər bunu göstərir. Mənimlə razılaşmırsan?
- Mən ad çəkmirəm, özümdən danışıram. Bütün klublar mənim üçün eynidi. Çıxdığım oyunlarda kim güclüdü , o da qalib gəlsin. Statistikadan danışırıqsa, idarə etdiyim oyunlarda «Neftçi» qalib gəlmir.

- Antalyada hakimlərə sən nəzarət etmisən. Onların yerinə söz verə bilərsən ki, yenə «Neftçi»yə yaltaqlanmayacaqlar?
- Gəlin, «Neftçi»dən danışmayaq. Hər bir hakim makismum güc sərf edir ki, səhv etməsin. Antalyada ciddi hazırlaşmışıq. Səhvlər az olacaq.

- Mövsümün ikinci hissəsində bir daha hakim döyülməyəcəyinə əminsən?
- Cavan hakimi döymək kişiyə yaraşan iş deyil. Tovuzdakı oyundan danışırsızsa, hər şey qanun çərçivəsində həll olunub.

- Qəbələdə baş verənlərə nə deyirsiz?
- Qəbələdəki oyunda hakim səhvi varydı, bunu etiraf edirik. Ramil Diniyev də öz cəzasını aldı. Amma bu, orda hakimi döyməyə əsas vermirdi. Sağ olsun «Qəbələ»nin rəhbərliyi və futbolçuları, özləri irəli duraraq, əsəbi azarkeşlərin qarşısını aldılar.

- Diniyev soyunub-geyinmə otağında döyulub. Necə ola bilər ki, xəbərin yoxdu bundan?
- Məlumatım yoxdu. Televiziyada gördüyüm epizodlara əsasən danışıram.

- «Altılıq» mərhələsində biz hakimlərin hansı sifətini görəciyik?
- Ədalətli hakimlik görəcəksiz.

- Bəzi iblislərin insan cildinə girib meydana çıxmasına nə ad verək?
- Bəsdi də… İblis hakimlər… Yox bir, şeytan hakimlər…

- Düz demirəm?
- Bəsdi də…

- Bu cildə girib, ikiüzlülük edənlərə nə ad verim?
- Bəsdi də, olmadı ki…

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Şərhlər [ Bütün şərhlərə baxmaq ]

Turnir cədvəli

KlubOH
1Simurq1427
2AZAL1326
3İnter1423
4Simurq1419
5Bakı1415
6Qəbələ1413
7AZAL1413
8Rəvan1413
9-00
10-00
Bütün cədvəl

Səsvermə


Müsahibə

25.06.2012 Rəşad Abdullayev: Komandaya yeni nəfəs gətirdiyimi hiss etdirmək istəyirəm (Müsahibə) (0)
R.Abdullayev “Qəbələ FK” qəzetinə müsahibəsində kluba keçidi, yeni komandasında hədəfi və bir çox başqa məqamlardan danışdı. 
16.06.2012 Fabio Luis Ramim AZAL-dan təklif gözləyir və millimizdəki karyerasını bitmiş sayır (Müsahibə) (0)
Milli komandamızın və “Bakı”nın sabiq futbolçusu Fabio Luis Ramim müsahibə verib. 

Ən çox oxunanlar

Ən cox şərh olunanlar


Oyun cədvəli

14

21.01.2021
16:00
Səbail
Neftçi
1
3
16:00
FC Zire
Qəbələ
2
0
18:00
Sabah
Qarabağ
1
2
22.01.2021
16:00
Keşlə
Sumqayıt
0
1



Açar sözlər


 

© 1999-2014 Azerifootball
info@azerifootball.com

Saytın yaradılması və dəstək: ExtraWeb

Proyekt haqqında Reklam Əlaqə

Saytdakı materiallardan istifadə edilərkən www.azerifootball.com link şəklində istinad mütləqdir
www.azerifootball.com saytı reklam materiallara və banerlərə görə məsuliyyət daşımır.