Proyekt barədə | Reklam | Əlagə
Qeydiyyat
İstifadəçilər üçün giriş
Русская версия WAP RSS
Bağla



- Fanklubda qeydiyyat                       - Забыли пароль?
Rəylər
08.03.2012 / 1 şərh / 2198 -dəfə baxılıb

Boğazdan yuxarı vətənpərvərlik (Yazı)

Təqvim 8 mart tarixini göstərir. Bu gün nə etmək lazımdı? Əlbəttə ki, bütün xanımlarımızı Beynəlxalq Qadınlar Günü münasibəti ilə təbrik edib, onlara xoş arzularımızı çatdırmaq boynumuzun borcudu.

Fürsətdən istifadə edib, futbol təsərrüfatımızı istədikləri kimi idarə edən şəxsləri də təbrik edirəm. Kişilər böyük iş bacardılar. Fələstin rəzalətinin üstündən belə məharətlə "su içdikləri" üçün onlara "afərin" demək lazımdı, bəylər. AFFA-nın "sözəbaxan uşaqları" 5 futbolçunun barda əylənməsini elə şişirtdilər ki, yığmamızın Fələstinə biabırçı məğlubiyyəti kölgədə qaldı.

Andrey Popoviçin "üzü qara olsun" deyəcəm, amma görəsən, ukraynalı barda çəkdirdikləri şəkli sosial şəbəkədə yerləşdirməsəydi, AFFA Fələstin üfunətinin üstünü necə ört-basdır edəcəkdi? Hələ durub uşağa cəza da kəsirlər. Halbuki, Popoviçi mükafatlandırmaları lazımdı. Onun düşüncəsiz hərəkətinin sayəsində vəziyyətdən çıxdılar.

Futbolçunun oyundan sonra bara getməsi, siqaret çəkməsi nə vaxtdan qəbahət olub - bilmirəm. Futbolçu da insandı. Bara da gedəcək, siqaret də çəkəcək. Təbii ki, bunlar bir idmançı üçün zərərli vərdişlərdi. Amma bu, hər kəsin öz şəxsi işidi.

Məsələn, bu yaxınlarda "Mançester Siti"nin baş məşqçisi Roberto Mançini Mario Balotellinin siqaret çəkməsinə şərh verən zaman bildirdi ki, öz oğlu belə etsəydi, ona qulaqburması verərdi, amma Mario sadəcə, komandasında yer alan futbolçu olduğundan ona yalnız siqareti tərgitməsini tövsiyə edə bilər... Futbolçuların bara gedib, qədərində içki içmələrinə gəlincə, bu, bütün dünyada normal qəbul olunan şeydi.

Milli komanda həm də bir millətin şərəfi deməkdi. İndi biz şərəfimizi qorumaq üçün 11 sanballı futbolçu tapa bilmiriksə, buna Vladimir Levin, Branimir Subaşiç, Aleksandr Çertoqanov nə etsin? Adamlar bizim görməli olduğumuz işi görür. Hazırda ölkəmizdə Levinə, Subaşiçə, Çertoqanova layiqli əvəzləyicilərin olmamasına rəğmən, hər zaman milliləşdirmənin əleyhinə olmuşam. Amma onu da əminliklə deyə bilərəm ki, Levin və Subaşiç kimi əcnəbilər millimizin futbolkasının dəyərini bəzi yerli futbolçulardan qat-qat yaxşı bilirlər.

Yaxşı yadımdadı, Lixtenşteynlə Bakıdakı rüsvayçı qolsuz heç-heçədən sonra yerli futbolçular paltardəyişmə otağından çıxıb, qaçaraq avtobusa doluşduqları bir vaxtda Subaşiç jurnalistlərə yaxınlaşıb, mətbuat vasitəsi ilə biabırçılığa görə xalqa üzrxahlığını çatdırmışdı. Levinə gəlincə, onun "Birlik Kuboku"nda "Mika" ilə oyundakı canfəşanlığını nə tez unutduz? Yaddaşını təzələmək istəyən həmin matçın videoyazısına təkrar baxsın. Onda ukraynalı müdafiəçinin matçın prinsipiallığını nəzərə alaraq, yerli futbolçulardan daha çox meydanda can qoyduğunu, oyunda hesabı məhz onun açdığını görərsiz.

Sözümün canı odu ki, Sinqapurla heç-heçədən sonra bara getdiklərinə görə yığmamızın milliləşdirilmiş üzvlərini asıb-kəsməyə gərək yoxdu. Boğazdan yuxarı vətənpərvərlik etməkdənsə, AFFA-dan Fələstinə uduzmağımızın hesabını tələb etmək daha məntiqə uyğun olardı. Futbol təsərrüfatımızı özlərinə sərf edəcək şəkildə idarə edən şəxslər Berti Foqtsla əl-ələ verib, bizi aləmə rəzil etməkdə davam edirlər... Buna bir "dur" deyən, tapılacaqmı?
 
Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Şərhlər [ Bütün şərhlərə baxmaq ]

  • Qaqaw dur demek istiyirsen??Niye 1ci sen basdamirsan???Sen yazirsan mende yazaram atdimivi at arxannan gelek...1ci atdimi arxanca addim atan cox olacaq..Dur demekcun sen basda arxasinnda biz getirey

    Aydin Manafov (aydin592) / 08.03.2012 13:54 /

  • Şərh qoymaq üçün siz qeydiyyatı keçməlisiniz,
    və yaxud daxil olmalısınız

Turnir cədvəli

KlubOH
1Simurq1427
2AZAL1326
3İnter1423
4Simurq1419
5Bakı1415
6Qəbələ1413
7AZAL1413
8Rəvan1413
9-00
10-00
Bütün cədvəl

Səsvermə


Müsahibə

25.06.2012 Rəşad Abdullayev: Komandaya yeni nəfəs gətirdiyimi hiss etdirmək istəyirəm (Müsahibə) (0)
R.Abdullayev “Qəbələ FK” qəzetinə müsahibəsində kluba keçidi, yeni komandasında hədəfi və bir çox başqa məqamlardan danışdı. 
16.06.2012 Fabio Luis Ramim AZAL-dan təklif gözləyir və millimizdəki karyerasını bitmiş sayır (Müsahibə) (0)
Milli komandamızın və “Bakı”nın sabiq futbolçusu Fabio Luis Ramim müsahibə verib. 

Ən çox oxunanlar

Ən cox şərh olunanlar


Oyun cədvəli

14

21.01.2021
16:00
Səbail
Neftçi
1
3
16:00
FC Zire
Qəbələ
2
0
18:00
Sabah
Qarabağ
1
2
22.01.2021
16:00
Keşlə
Sumqayıt
0
1



Açar sözlər


 

© 1999-2014 Azerifootball
info@azerifootball.com

Saytın yaradılması və dəstək: ExtraWeb

Proyekt haqqında Reklam Əlaqə

Saytdakı materiallardan istifadə edilərkən www.azerifootball.com link şəklində istinad mütləqdir
www.azerifootball.com saytı reklam materiallara və banerlərə görə məsuliyyət daşımır.