Unibank Premyer Liqasının XXXI turunda doğma azarkeşləri önündə "Neftçi"ni qəbul edən "Bakı" qələbə qazanıb- 2:0. Matçdan son baş məşqçilər oyun haqqında fikirlərini bölüşüblər.

Novruz Əzimov, “Bakı” klubunun məşqçisi: “Heyətimizdə bəzi itkilər var idi. Komandamın ilk hissədəki oyunundan razı qalmadım. İkinci hissədə isə daha yaxşı oyun nümayiş etdirdik. Kubokun finalındakı oyuna hazırlaşacağıq”.

Böyükağa Hacıyev, “Neftçi” klubunun baş məşqçisi: “Bakı”nı möhtəşəm qələbə münasibətilə təbrik edirəm. Hər iki komanda meydana gənc futbolçularla çıxmışdı. Kubokdan öncə məğlub olmağımız bizə sərf edir. Çünki, kubokun finalında “Bakı”nı məğlub etmək üçün daha əzmli mübarizə aparacağıq. Növbəti turda da “Bakı”ya uğurlar arzulayıram.