“Neftçi”nin prezidenti Sadıq Sadıqov komandasını çempionluğa daşıyan “Qarabağ” qələbəsini həddindən artıq yüksük qiymətləndirib. Son oyunda əldə edilən qələbə “Neftçi”ni finişə iki tur qalmış çempion etdi. Bu qələbə həm də ona görə qiymətlidir ki, “Neftçi” matçın gedişində uduzurdu.

Nəticədə, əsas heyətin hər bir üzvü 10 min ABŞ dolları mükafar alacaq. Məşqçilər korpusu və futbolçuların bu həftə pullarını alacağı deyilir.

Klub rəhbərliyi həmçinin kubokunun finalına da böyük məbləğdə mükafat qoymağı planlaşdırır.

Çempionluğa görə veriləcək mükafatın miqdarı isə elə də çox olmayacaq. Ancaq bu, heç də futbolçuları məyus etmir. “Neftçi” rəhbərliyi mövsünün gedişində dəfələrlə vacib qələbələri xüsusi mükafatla qiymətləndirib.