Futbol üzrə Azərbaycan çempionatının 25-ci turunun “Karvan” – “Neftçala” oyununu izləyənlər arasında “Qəbələ”nin sabiq baş məşqçisi Ramiz Məmmədov da yer alıb.

PRO kateqoriyalı baş məşqçinin Yevlax təmsilçisinin “sükanı arxasına keçəcəyi” haqda xəbərlər dolaşır.

Məsələ ilə bağlı açıqlama verən Məmmədov yayılan xəbərləri təkzib edib: “Hər deyilən xəbərə inanmaq lazım deyil. Doğrudur, “Karvan” – “Neftçala” oyununu izləmişəm. Lakin bunda başqa səbəb axtarmayın. “Karvan”dan mənə heç bir təklif gəlməyib. Bu, şayiədən başqa bir şey deyil. Əgər təflif gələrsə, bu haqda o zaman düşünərik”.

Qeyd edək ki, Zakir Mahmudovun “Xəzər Lənkəran”a gedişindən sonra “Karvan”da baş məşqçi funksiyası Kənan Kərimova tapşırılıb.