Qərib İbrahimov söz verdi (Müsahibə)

Mühasibələr

Zaqatala komandası ilə müqaviləsinin müddətini mövsümün sonuna qədər artıran yarımmüdafiəçi Qərib İbrahimov klubun rəsmi saytına müsahibə verib. Yeni mövsüm haqqında danışan gənc futbolçu “Simurq”un uğurları üçün bu il daha çox çalışacağını qeyd edib.

- Qərib, komandanla müqavilənin müddətini artırdın. Bu haqda nə deyə bilərsən?

- Mənim üçün də iki il formasını geyindiyim komandanın heyətində yenidən qalmaq xoş oldu. Bir neçə klublardan təkliflər var idi. Ancaq mən burda qalmağa üstünlük verdim. Bu ilki mövsümdə inanıram ki, “Simurq” üçün daha əhəmiyyətli işlər görəcəm. Baş məşqçi Georgi Çıxradzeyədə təşəkkür edirəm ki, məni yeni formalaşdıracağı heyətdə görmək istədi.

- Ötən mövsümü həm özün, həm də “Simurq” üçün necə dəyərləndirərdin?

- Mövsümə həm mən, həm də komanda yaxşı başladıq. İkinci dövrədə təlim-məşq toplanışından sonra bir anlıq geriləmə başladı və nəticədə arxa-arxaya vacib xallar itirdik. İlk “altılığ”a düşmə şanslarımızı da əldən verdik. Özüm isə birinci dövrənin sonlarına yaxın baş məşqçi ilə problemlər yaşadım və bu səbəbdən iki oyunda meydana buraxılmadım. Lakin sonrada yenidən əsas heyətdəki yerimi tutdum və “Simurq”un uğurları üçün mübarizə apardım. İnanıram ki, növbəti mövsümdə komanda üçün əsas futbolçulardan olacam və daha yaxşı şəkildə özümü göstərə biləcəm. Çalışacam ki, baş məşqçimizin ehtimadın doğrulda bilim.

- Baş məşqçi Georgi Çıxradze ilə işləmək çətin deyil ki?

- Xeyr, əksinə çox asandır. İşinin əsil peşəkarıdır. Futbolçuları çox yaxşı anlayır və hər birimizlə əla münasibətlər yaradıb. Onun oynatdığı futbol mənim oyun üsuluma çox yaxındır. İnanıram ki, ötən mövsüm verdiyi hər bir tapşırığı bacardığım qədər yerinə yetirə bilmişəm.

- “Simurq” heyətində ciddi dəyişikliklər edir. Səncə bu ilki heyət ötən mövsümdən nə ilə fərqlənə biləcək?

- Klub rəhbərliyi növbəti mövsüm üçün daha mübariz və iddialı bir kollektiv yaratmaq niyyətindədir. Artıq komandaya Kristian Torres kimi səviyyəli legionerin transfer edilməsi də bundan xəbər verir. Ötən mövsümdə yaxşı komandamız var idi. Lakin uğura çatmaq üçün çatışmamazlıqlar özünü sona yaxın göstərdi. Məncə, bu səbəbdən də rəhbərlik ötən ilkinin baş verməsini istəmir və islahatlara əl atıb. Komandadan ayrılan hər bir yoldaşıma da uğurlar arzulayıram. İnşallah arzuladıqları komandanın formasını geyinərlər.

- Ötən mövsüm komandanın heyətində ən çox oyuna çıxan futbolçu olsanda fərqlənməmisən. Bu il azərkeşlər səndən qol gözləyə bilərlər?

- Bunun üçün üzərimdə məşqlərdə çox işləyirdim. Hər bir oyunda da fərqlənmək üçün can atırdım. Lakin bu futboldur. Çox zaman da bəxt amili məndən tərəfə olmurdu. İnanıram ki, növbəti mövsüm vuracağım qollarla “Simurq”u zəfərə doğru apara biləcəm. Zaqatala azərkeşlərinin mənə olan ümidlərini doğruldacam və onlara çoxlu qol sevinci bəxş edə biləcəm.

- Fasiləni necə dəyərləndirirsən? İstirahət edə bilirsən?

- İstirahət etməyə o qədər də zamanım olmadı. Son turdan sonra bir həftə Tovuzda istirahət etdim. Ondan sonra Bakıya qayıtmışam. Hazırda fasilədən istifadə edib fiziki hazırlıq baxımından üzərimdə işləyirəm ki, qarşıdakı təlim-məşq toplanışında çətinlik çəkməyim.

Müəllif: Azerifootball.com Çap et Geri Yuxarı